#តម្លៃភាគហ៊ុននៅអាស៊ី

តម្លៃភាគហ៊ុននៅអាស៊ី និងនៅសហរដ្ឋអាម៉េរិកបានដាំក្បាលចុះនៅដើមសប្តាហ៍នេះ ខណៈតម្លៃប្រាក់ដុល្លារអាម៉េរិក ក៏ធ្លាក់ថ្លៃដូចគ្នា ដោយសារមានការព្រួយបារម្ភពីសង្គ្រាមពន្ធគយ និងក្រោយពីប្រធានាធិបតី ដូណាល់ ត្រាំ បានរិះគន់ធនាគារកណ្ដាលអាម៉េរិកជាសាធារណៈ ដែលធ្វើឱ្យបណ្ដាអ្នកវិនិយោគមានការភ័យខ្លាច ហើយស្ថានភាពនេះបានរុញឱ្យហាងឆេងមាសហក់ឡើងស្រឺតៗឈានដល់កម្រិតកំណត់ត្រាថ្មី ៣,៣២៨ដុល្លារអាម៉េរិក ក្នុងមួយអោន ឬ៤,០៥៨ដុល្លារអាម៉េរិកក្នុងមួយតម្លឹង។ នេះបើយោងតាមការចុះផ្សាយរបស់ទីភ្នាក់ងារព័ត៌មានធំៗជាច្រើន។