#តម្លៃមាសនៅកម្ពុជា

តម្លៃហាងឆេងមាសនៅកម្ពុជាបានហក់ឡើងជាបន្តបន្ទាប់នៅពីរសប្ដាហ៍ចុងក្រោយនេះ ពោលគឺបន្ទាប់ពីលោក ដូណាល់ ត្រាំ បានឡើងកាន់តំណែងជាប្រធានាធិបតីសហរដ្ឋអាម៉េរិកជាផ្លូវការ។ តម្លៃមាសនៅកម្ពុជាបច្ចុប្បន្នត្រូវបានលក់ចេញក្នុងតម្លៃ៣ពាន់៤រយដុល្លារក្នុង១តម្លឹងកើនឡើងប្រមាណ១៤៥ដុល្លារក្នុង១តម្លឹងបើធៀបនឹងតម្លៃលក់ចេញកាលពី២សប្ដាហ៍មុន។ ប៉ុន្តែតម្លៃនេះមិនទាន់ឈានដល់កម្រិត ដែលបានហក់ឡើងខ្ពស់បំផុតកាលពីពេលកន្លងទៅនោះទេ ដោយកាលនោះតម្លៃមាសបានហក់ឡើងដល់៣ពាន់៦០០ដុល្លារក្នុង១តម្លឹង។