#តម្លៃហាងឆេងមាសនៅកម្ពុជា

តម្លៃហាងឆេងមាសនៅកម្ពុជា ក៏ដូចជានៅលើទីផ្សារអន្តរជាតិមានការប្រែប្រួលឡើងចុះគួរឱ្យកត់សម្គាល់នៅរយៈពេលចុងក្រោយនេះ តួយ៉ាងនៅថ្ងៃទី២៣ ខែកក្កដា ឆ្នាំ២០២៥នេះ តម្លៃមាសនៅកម្ពុជាបានកើនឡើងដល់ជាង៤,១០០ដុល្លារក្នុង១តម្លឹងកើនឡើងប្រមាណ១០០ដុល្លារក្នុង១តម្លឹងបើធៀបនឹងតម្លៃហាងឆេងមាសនៅដើមខែកក្កដា នេះ។ ក្រុមអ្នកជំនាញព្យាករថា តម្លៃមាសនឹងហក់ឡើងខ្ពស់បំបែកកំណត់ត្រាប្រវត្តិសាស្រ្តជាថ្មីម្តងទៀតដល់ជាង៤,២០០ដុល្លារក្នុង១តម្លឹង នៅពេលដែលសហរដ្ឋអាម៉េរិកចាប់ផ្តើមអនុវត្តពន្ធគយបដិការរបស់ខ្លួននៅថ្ងៃទី១ ខែសីហា ខាងមុខនេះ។