ទីផ្សារគ្រីបតូ កើនឡើងជាង៣០០ពាន់លានដុល្លារ ក្រោយលោក ត្រាំ គ្រោងប្រើគ្រីបតូធ្វើជាទុនបម្រុងអន្តរជាតិ របស់អាម៉េរិក
ដោយ
ប្រធានាធិបតីទី៤៧របស់សហរដ្ឋអាម៉េរិក លោក ដូណាល់ ត្រាំ កាលពីចុងសប្ដាហ៍កន្លងទៅ បានប្រកាសឈ្មោះរូបិយប័ណ្ណឌីជីថល ឬគ្រីបតូចំនួន៥ ដែលលោកគ្រោងនឹងដាក់បញ្ចូលទៅក្នុងទុនបម្រុងយុទ្ធសាស្រ្តថ្មីរបស់សហរដ្ឋអាម៉េរិក ដែលធ្វើឱ្យទីផ្សារគ្រីបតូសរុបកើនឡើងប្រមាណ១០% ឬជាង៣០០ពាន់លានដុល្លារអាម៉េរិក ត្រឹមតែប៉ុន្មានម៉ោងក្រោយមក ខណៈ Bitcoin ដែលជាគ្រីបតូធំបំផុតរបស់ពិភពលលោកបានហក់ឡើងថ្លៃជាង១១% ឈានដល់៩៤,១៦៤ដុល្លារអាម៉េរិក ក្នុងមួយកាក់។ នេះបើយោងតាមការចុះផ្សាយរបស់សារព័ត៌មានធំៗជាច្រើន។