#ទីផ្សារអាស៊ាន

បញ្ហាចម្រូងចម្រាសផ្នែកនយោបាយនៅប្រទេសមួយចំនួននៅអាស៊ីអាគ្នេយ៍ ជាពិសេសនៅប្រទេសឥណ្ឌូនេស៊ី និងថៃ កំពុងធ្វើឲ្យវិនិយោគិនបរទេសដកប្រាក់ពួកគេចេញពីទីផ្សារយ៉ាងច្រើនពីតំបន់អាស៊ាន។ បើយោងតាមការចុះផ្សាយរបស់សារព័ត៌មាន The Edge Malaysia បញ្ហានយោបាយនៅក្នុងប្រទេសឥណ្ឌូនេស៊ីថ្មីៗនេះ បានជំរុញឱ្យវិនិយោគិនបរទេសដកប្រាក់ចេញពីប្រទេសនេះមិនក្រោម៦៥៣លានដុល្លារនោះឡើយ ខណៈបញ្ហានៅប្រទេសថៃ បានធ្វើឱ្យទុនវិនិយោគប្រមាណ៦៧០លានដុល្លារហូរចេញពីប្រទេសនេះ។