#ធនាគារធំៗពីរនឹងបោះផ្សាយលក់មូលបត្រ

ថ្នាក់ដឹកនាំនិយ័តករមូលបត្រកម្ពុជាបានគូសបញ្ជាក់ថា គិតមកទល់ពេលនេះមានក្រុមហ៊ុនសរុបចំនួន២៣ហើយ ដែលបានចុះបញ្ជីនៅផ្សារមូលបត្រកម្ពុជា ដើម្បីបោះផ្សាយលក់ភាគហ៊ុន និងសញ្ញាបណ្ណ ឬមូលបត្របំណុល ដោយក្រុមហ៊ុនទាំងនោះកៀរគរទុនពីទីផ្សារសរុបបានប្រមាណជាង៣០០លានដុល្លារ។ ជាមួយគ្នានេះ ថ្នាក់ដឹកនាំរូបនេះរំពឹងថា ក្រុមហ៊ុនចុះបញ្ជីទាំងនោះនឹងអាចកៀរគរទុនបានលើស៥០០លានដុល្លារនៅឆ្នាំ២០២៥នេះ បន្ទាប់ពីមានធនាគារធំៗពីរនឹងបោះផ្សាយលក់មូលបត្របំណុលចំនួន២០០លានដុល្លារនៅឆ្នាំនេះ។