បែកធ្លាយសំឡេងសន្ទនាតាមទូរសព្ទរវាងសម្តេចតេជោ ហ៊ុន សែន និងនាយករដ្ឋមន្ត្រីថៃ ផែថងថាន ស៊ីណាវ៉ាត្រ កំពុងធ្វើឱ្យស្ថានការនៅថៃកើនកម្ដៅកាន់តែខ្លាំង
ដោយ
ជារឿងមួយដ៏គួរឱ្យភ្ញាក់ផ្អើល នៅថ្ងៃនេះ ក្រោយមានការបែកធ្លាយសំឡេងសន្ទនាគ្នាតាមទូរសព្ទជាង ៩នាទី រវាងសម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងនាយករដ្ឋមន្ត្រីថៃលោកស្រី ផែថងថាន ស៊ីណាវ៉ាត្រ និងត្រូវបានចែករំលែកភ្លូកទឹកភ្លូកដីនៅលើបណ្ដាញសង្គម។ ក្រោយការបែកធ្លាយសំឡេងនេះ ប៉ុន្មានម៉ោង ទាំងសម្តេចតេជោ និង លោកស្រី ផែថងថាន ស៊ីណាវ៉ាត្រ សុទ្ធតែបាន ទទួលស្គាល់ថា សំឡេងនោះ គឺជាសំឡេងពិត។