ជម្លោះរវាងអាម៉េរិក និងចិន អាចជាមូលហេតុធ្វើឱ្យនាយករដ្ឋមន្រ្តីអូស្រ្តាលី បន្តឈ្នះក្នុងការបោះឆ្នោត
ដោយ
លោក អេនថូនី អាល់បានីស (Anthony Albanese) ជាអ្នកនយោបាយ និងជានាយករដ្ឋមន្រ្តីអូស្រ្តាលី ដំបូងគេ ដែលឈ្នះការបោះឆ្នោតសកលពីរអាណត្តិជាប់គ្នាក្នុងរយៈពេល២០ឆ្នាំកន្លងមកនេះ។ នៅក្នុងការបោះឆ្នោតកាលពីថ្ងៃសៅរ៍ សប្តាហ៍មុន គណបក្សការងាររបស់លោកនាយករដ្ឋមន្រ្តីអូស្ត្រាលី បានពង្រីកការក្តោបក្តាប់អាសនៈនៅក្នុងសភាពី៧៧អាសនៈដល់៨៥អាសនៈនៃអាសនៈសរុប១៥០អាសនៈ។ ក្រុមអ្នកវិភាគបានវាយតម្លៃថា ជម្លោះពាណិជ្ជកម្មរវាងអាម៉េរិក និងចិន ដែលកំពុងឡើងកម្តៅអាចជាមូលហេតុចម្បង នៃការឈ្នះឆ្នោតរបស់គណបក្សការងារ។