#រដ្ឋាភិបាលអារ៉ាប់រួម

ស្របពេលកំពុងជួបវិបត្តិសង្គ្រាមនៅមជ្ឈិមបូព៌ា ប្រទេសអេមីរ៉ាតអារ៉ាប់រួម បានបង្ហាញនូវកាយវិការមនុស្សធម៌ដ៏គួរឱ្យកោតសរសើរ ដោយប្រកាសទទួលរ៉ាប់រងរាល់ការចំណាយលើសណ្ឋាគារ និងអាហារផ្សេងៗសម្រាប់អ្នកដំណើរជាង២ម៉ឺននាក់ ដែលកំពុងជាប់គាំងនៅក្នុងប្រទេសរបស់ខ្លួន។ ការសម្រេចចិត្តធ្វើបែបនេះ ធ្វើឡើងបន្ទាប់ពីដែនអាកាសត្រូវបានបិទជាបណ្ដោះអាសន្ន ក្រោយការវាយប្រហារតាមអាកាសនៅអ៊ីរ៉ង់ ដែលបង្កឱ្យមានការលុបចោលជើងហោះហើរជាបន្តបន្ទាប់។