លោក ត្រាំ ប៉ាន់ប្រមាណថា វាយអ៊ីរ៉ង់ពីរថ្ងៃដំបូង អាម៉េរិកចំណាយអស់ជាង៥ ពាន់លានដុល្លារ ហើយគ្រោងស្នើ៥០ពាន់លានដុល្លារបន្ថែមទៀត
ដោយ
រដ្ឋបាលប្រធានាធិបតី ដូណាល់ ត្រាំ បានប៉ាន់ប្រមាណថា អាម៉េរិកបានចំណាយថវិកាប្រមាណ ៥,៦ពាន់លានដុល្លារនៅពីរថ្ងៃដំបូង នៃសង្គ្រាមរបស់សហរដ្ឋអាម៉េរិករួមដៃជាមួយអ៊ីស្រាអែល ប្រឆាំងអ៊ីរ៉ង់។ ស្របពេលសង្គ្រាមបានអូសបន្លាយពេលជិតពីរសប្តាហ៍មិនទាន់អាចរកច្រកបញ្ចប់បាន រដ្ឋបាលលោក ដូណាល់ ត្រាំ គ្រោងស្នើសុំកញ្ចប់ថវិកា៥០ពាន់លានដុល្លារបន្ថែមទៀត សម្រាប់សង្គ្រាមនេះ ខណៈមានការព្រួយបារម្ភអំពីការអស់ស្តុកអាវុធ។ នេះបើយោងតាមការចុះផ្សាយរបស់សារព័ត៌មាន The Edge។