អ្នកជំនាញស្នើឱ្យភាគីពាក់ព័ន្ធជួយស្វែងរកទីផ្សារ ដើម្បីបង្វែរការនាំចេញដំឡូងមីពីថៃ ទៅកាន់ទីផ្សារវៀតណាម
ដោយ
នៅក្នុងរដូវប្រមូលផលដំឡូងមីចុងឆ្នាំនេះ អ្នកជំនាញសង្កេតឃើញថា ដំឡូងមីនៅតំបន់ជាប់ព្រំដែនជាប់ជាមួយវៀតណាម ហាក់ទទួលបានតម្លៃល្អ ដោយកសិករអាចលក់បានក្នុងរង្វង់៣០០រៀលក្នុងមួយគីឡូក្រាម តែដំឡូងមីនៅតំបន់ជិតព្រំដែនថៃ អាចលក់បានក្នុងរង្វង់ជាង១០០រៀលក្នុង១គីឡូក្រាមតែប៉ុណ្ណោះ។ ដើម្បីជួយលើកកម្ពស់តម្លៃដំបូងមីរបស់កសិករនៅតំបន់ជាប់ព្រំដែនជាមួយថៃ អ្នកជំនាញក្នុងវិស័យកសិកម្ម យល់ឃើញថា ក្រសួង និងស្ថាប័នគួរស្វែងរកក្រុមហ៊ុនបើករោងចក្រកែច្នៃ និងបង្វែរការនាំចេញទៅលក់នៅប្រទេសវៀតណាម។