#សង្គ្រាមឈ្លានពាន

កិច្ចចរចាសន្តិភាពនៅអ៊ុយក្រែនរយៈពេលពីរថ្ងៃនៅទីក្រុងអាប៊ូដាប៊ី ក្រោមការសម្របសម្រួលពីសហរដ្ឋអាម៉េរិកបានបញ្ចប់ដោយគ្មានកិច្ចព្រមព្រៀងណាមួយឡើយ តែពួកគេបានបង្ហាញឆន្ទៈក្នុងការបន្តកិច្ចសន្ទនានាពេលខាងមុខ។ ជំនួបនេះត្រូវបានរំខានដោយស្រមោលសង្គ្រាម បន្ទាប់ពីរុស្ស៊ីបានបើកការវាយប្រហារតាមអាកាសយ៉ាងសាហាវពេញមួយយប់មកលើអ៊ុយក្រែនបណ្តាលឱ្យមនុស្សជាង១លាននាក់គ្មានអគ្គិសនីប្រើប្រាស់ ចំពេលអាកាសធាតុធ្លាក់ចុះត្រជាក់ខ្លាំងក្រោមសូន្យអង្សា។ នេះបើយោងតាមការចុះផ្សាយរបស់សារព័ត៌មាន The business standard កាលពីថ្ងៃទី២៤ ខែមករា។