#សង្គ្រាមអ៊ីរ៉ង់

ប្រធានាធិបតីអាម៉េរិក លោក ដូណាល់ ត្រាំ បានព្រមានថា អាម៉េរិកអាចនឹងដកខ្លួនចេញពីសង្គ្រាមប្រឆាំងនឹងអ៊ីរ៉ង់ក្នុងរយៈពេលពី២ទៅ៣សប្តាហ៍ខាងមុខនេះ ដូច្នេះមិនចាំបាច់មានកិច្ចព្រមព្រៀងណាមួយ ដើម្បីបញ្ចប់សង្គ្រាម ដែលកំពុងធ្វើឱ្យរង្គោះរង្គើសេដ្ឋកិច្ច និងការផ្គត់ផ្គង់ថាមពលពិភពលោកនោះឡើយ។ ជាមួយគ្នានេះ លោក ត្រាំ ថែមទាំងឆ្លៀតដៀមដាមឌឺដងដាក់សម្ពន្ធមិត្ត ដែលមិនចូលរួមជួយអាម៉េរិកក្នុងការបើកច្រកសមុទ្រហ័រម៉ូសឡើងវិញថា ឱ្យទៅដឹកប្រេងនៅតំបន់ជម្លោះដោយខ្លួនឯងទៅ។ នេះបើយោងតាមការចុះផ្សាយរបស់សារព័ត៌មាន Al Jazeera។