#សម្ពោធបើកការដ្ឋានសាងសង់

ក្រុមហ៊ុនអភិវឌ្ឍន៍អចលនទ្រព្យធំៗមួយចំនួន ចាប់ផ្ដើមបោះទុនវិនិយោគលើគម្រោងថ្មីៗ របស់ខ្លួន នៅដើមឆ្នាំ២០២៥នេះ បន្ទាប់ពីកត់សម្គាល់ឃើញថា វិស័យសំណង់ និងអចលនទ្រព្យនៅកម្ពុជា ចាប់ផ្ដើមមានសម្ទុះរើបខ្លួនឡើងវិញជាបណ្ដើរៗហើយ និងរំពឹងថា ឆ្នាំ២០២៥នេះ ទីផ្សារនឹងកាន់តែល្អប្រសើរថែមទៀត។ ជាក់ស្ដែង បុរីវិមានភ្នំពេញ របស់លោកអ្នកឧកញ៉ា លី ហួរ នៅថ្ងៃទី ១៥ ខែមករានេះ បានសម្ពោធបុកគ្រឹះសាងសង់គម្រោងលំនៅដ្ឋានដ៏ប្រណីតថ្មីមួយទៀត នៅក្នុងតំបន់តាមបណ្ដោយផ្លូវ ជាសុផារ៉ា និងរំពឹងថា ទទួលបានការគាំទ្រច្រើនពីអតិថិជន។