គណបក្សប្រឆាំងមួយរបស់ថៃ ស្នើឲ្យរដ្ឋសភាលុប MoU ស្តីពីព្រំដែនគោក និងសមុទ្រ ដែលបានចុះជាមួយកម្ពុជា
ដោយ
គណបក្សប្រឆាំងមួយរបស់ថៃ បានចេញសេចក្តីថ្លែងការណ៍បែបជាតិនិយមជ្រុល ដោយស្នើឱ្យរដ្ឋសភាថៃ លុបចោលអនុស្សរណៈចំនួនពីរ ស្តីពី ព្រំដែនគោក និងសមុទ្រ ដែលបានចុះជាមួយកម្ពុជា ស្របពេលប្រទេសថៃ កំពុងមានជម្លោះព្រំដែនជាមួយកម្ពុជា។ បើយោងតាមការចុះផ្សាយរបស់សារព័ត៌មានថៃ Khaosod English គណបក្សនយោបាយដែលបានស្នើបែបនេះមានឈ្មោះ ថៃសាងថៃ ដែលជាគណបក្សនយោបាយមួយបានចេញពីគណបក្សកាន់អំណាចភឿថៃ កាលពីឆ្នាំ២០២១។