#អ៊ុយក្រែនច្រានចោលសំណើរបស់អាម៉េរិក

សហរដ្ឋអាម៉េរិក ដែលជាបងធំទី១របស់ពិភពលោកបានលើកសំណើទៅអ៊ុយក្រែន កាលពីថ្ងៃពុធ សប្ដាហ៍មុន ដោយទាមទារកាន់កាប់ចំណែកពាក់កណ្ដាលនៃធនធានរ៉ែកម្រទាំងអស់របស់អ៊ុយក្រែន ជាថ្នូរនឹងការជួយគាំទ្រអ៊ុយក្រែនទាំងផ្នែកយោធា និងសេដ្ឋកិច្ចប្រឆាំងទប់ទល់នឹងរុស្ស៊ី ដែលបានបញ្ឆេះភ្លើងសង្គ្រាមចូលឈ្លានពានអ៊ុយក្រែនកាលពីថ្ងៃទី២៤ ខែកុម្ភៈ ឆ្នាំ២០២២។ ទោះជាយ៉ាងណាសំណើនេះត្រូវបានភាគីអ៊ុយក្រែន ច្រានចោល ខណៈប្រធានាធិបតីអ៊ុយក្រែន លោក ហ្សេឡិនស្គី ចង់បានកិច្ចព្រមព្រៀងដែលប្រសើរជាងនេះ។ នេះបើយោងតាមការចុះផ្សាយរបស់សារព័ត៌មាន Financial Times។