#ពាណិជ្ជកម្មអន្តរជាតិនៅកម្ពុជា

នៅរយៈពេល១០ខែ ក្នុងឆ្នាំ២០២២នេះ ការដោះដូរពាណិជ្ជកម្មរវាងកម្ពុជា ជាមួយទីផ្សារអន្តរជាតិ សម្រេចបានទំហំទឹកប្រាក់សរុបជាង ៤៤ពាន់លានដុល្លារអាមេរិក មានការកើនឡើងជិត ១៥% បើធៀបនឹងរយៈពេលដូចគ្នានៅឆ្នាំ២០២១។ ក្នុងនោះ ការនាំចេញទំនិញកម្ពុជាទៅកាន់ទីផ្សារអន្តរជាតិមានទំហំទឹកប្រាក់ជិត ១៩ពាន់លានដុល្លារ កើនឡើងជាង១៩% និងការនាំចូលទំនិញពីទីផ្សារអន្តរជាតិមកកម្ពុជាវិញមានចំនួនជិត ២៦ពាន់លានដុល្លារ កើនឡើង១២% ។ នេះបើយោងតាមរបាយការណ៍ដែលបង្ហាញដោយអគ្គនាយកដ្ឋានគយនិងរដ្ឋាករកម្ពុជា។