#ភ្នំពេញ​ទៅ​ខេត្ត​ព្រះ​សីហ​នុ

មន្ត្រីជាន់ខ្ពស់ក្រសួងសាធារណការ និងដឹកជញ្ជូនបានអះអាងប្រាប់ខេមបូណូមីសថា ការឆ្លងរាលដាលនៃជំងឺកូវីដ-១៩ ក្នុងព្រឹត្តិការណ៍សហគមន៍២០កុម្ភៈ មិនបានបង្កការរំខានដល់ដំណើរការសាងសង់ផ្លូវល្បឿនលឿនពីភ្នំពេញទៅកាន់ខេត្តព្រះសីហនុនោះទេ។ ផ្ទុយទៅវិញ ផ្លូវល្បឿនលឿនលើកដំបូងក្នុងប្រវត្តិសាស្ត្ររបស់កម្ពុជា ដែលចំណាយថវិកាសាងសង់ ប្រមាណ២ពាន់លានដុល្លារអាមេរិកមួយនេះ គ្រោងនឹងបញ្ចប់មុនពេលកំណត់នៅឆ្នាំក្រោយនេះហើយ ខណៈដែលបច្ចុប្បន្ននេះ ការសាងសង់ផ្លូវល្បឿនលឿនពីភ្នំពេញទៅកាន់ខេត្តព្រះសីហនុសម្រេចបានប្រមាណ ៦០% ហើយ។