ហាងកាហ្វេ Starbucks ដ៏ល្បីរបស់អាមេរិក ត្រៀមចាកចេញពីរុស្ស៊ី ក្រោយមានប្រតិបត្តិការជិត១៥ ឆ្នាំ
ដោយ
ក្រុមហ៊ុនកាហ្វេដ៏ល្បីរបស់អាមេរិក ស្តាបាកស៍ (Starbucks) បានបញ្ជាក់នៅ ថ្ងៃទី ២៣ ឧសភា នេះថា ខ្លួនបានត្រៀមនឹងចាកចេញពីទីផ្សារប្រទេសរុស្ស៊ីនៅពេលខាងមុននេះហើយ បន្ទាប់ពីប្រតិបត្តិការជិត ១៥ ឆ្នាំ ខណៈដែលក្រុមហ៊ុន ម៉ាកយីយោធំៗល្បីៗផ្សេងទៀតរបស់លោកខាងលិច ក៏បាន និងកំពុងដកខ្លួនចេញពីប្រទេសរុស្ស៊ីជាបន្ដបន្ទាប់ផងដែរ។
ជាក់ស្ដែង ថ្មីៗនេះ ភោជនីយដ្ឋាន McDonald's ក៏បានប្រកាសដកខ្លួនចេញពីទីផ្សាររុស្ស៊ី ដោយប្រកាសលក់ហាងរបស់ខ្លួនទាំងអស់នៅទីនោះ ទៅឲ្យក្រុមហ៊ុនក្នុងស្រុករុស្ស៊ីផងដែរ។ នេះបើតាមការចុះផ្សាយដោយសារព័ត៌មាន Reuters។