#ព្រលានយន្ដហោះតារាសាគរ

បើគ្មានការប្រែប្រួលទេអាកាសយានដ្ឋានអន្តរជាតិតារាសាគរដំណាក់កាលទី១នៅខេត្តកោះកុង នឹងបើកឲ្យហោះហើរសាកល្បងនៅពាក់កណ្តាលឆ្នាំនេះ បន្ទាប់ពីបានពន្យារពេលជាបន្តបន្ទាប់។ អ្នកជំនាញក្នុងវិស័យអចលនទ្រព្យ និងទេសចរណ៍ជឿជាក់ថា តំបន់តារាសាគរនឹងផ្លាស់ប្តូរការអភិវឌ្ឍន៍ ក្រោយព្រលានយន្តហោះតម្លៃប្រមាណ ២០០លានដុល្លារនេះ ត្រូវបានដាក់ឲ្យដំណើរដូចការគ្រោងទុក។ ជាពិសេសវានឹងជួយជំរុញឲ្យតម្លៃអចលនទ្រព្យនៅតំបន់នោះ ដែលបានធ្លាក់ចុះក្នុងអំឡុងវិបត្តិកូវីដ-១៩ មានសន្ទុះងើបឡើងវិញជាបណ្តើរៗផងដែរ។