#ចិនសន្យាវិនិយោគជាង ២០ ពាន់លានដុល្លារក្នុងប្រទេសហ្វីលីពីន

ការិយាល័យប្រធានាធិបតីហ្វីលីពីនបានឱ្យដឹងកាលពីថ្ងៃព្រហស្បតិ៍សទី៥មករា ថា ដំណើរទស្សនកិច្ចផ្លូវរដ្ឋរបស់លោក Ferdinand Marcos ទៅកាន់ប្រទេសចិន បានធ្វើឱ្យទីក្រុងប៉េកាំងសម្រេចបង្កើនការវិនិយោគបន្ថែមទៀតក្នុងប្រទេសហ្វីលីពីន ដល់ទៅតម្លៃជាង ២២ពាន់លានដុល្លារអាមេរិក។ នេះជាសមទ្ធផលមួយដែរសម្រាប់ក្រុងម៉ានីល បើទោះជាគោលដៅធំរបស់គេ គឺដើម្បីដំណោះស្រាយជម្លោះនៅសមុទ្រចិនខាងត្បូងរវាងប្រទេសទាំងពីរ ដែលហាក់មិនទទួលបានផ្លែផ្កាអ្វីគួរឱុ្យកត់សម្គាល់ក៏ដោយ។ នេះបើតាមការចុះផ្សាយដោយសារព័ត៌មានជប៉ុន Nikkei។