#- ធនាគារកណ្តាលអាមេរិក

ធនាគារកណ្តាលអាមេរិកកាលពីថ្ងៃពុធទី១៤ធ្នូ បានដំឡើងអត្រាការប្រាក់គោលចំនួន ០,៥%បន្ថែមទៀតហើយ ដើម្បីបន្តយុទ្ធនាការទប់ទល់នឹងអតិផរណានៅសហរដ្ឋអាមេរិក។ ក្រៅពីនេះ ធនាគារកណ្តាលបានរំពឹងថា ពួកគេនឹងបន្តដំឡើងអត្រាការប្រាក់គោលយ៉ាងហោចណាស់ក៏ ០,៧៥%បន្ថែមទៀតដែរ គិតពីពេលនេះរហូតដល់ចុងឆ្នាំ២០២៣ខាងមុខ។ បន្ថែមពីលើនេះ ធនាគារកណ្តាលអាមេរិកបានបង្ហាញពីការកើនឡើងនៃអត្រាអ្នកអត់ការងារធ្វើ និងកំណើនសេដ្ឋកិច្ចអាមេរិក ដែលអាចជាប់គាំងផងដែរ។ នេះបើតាមការចុះផ្សាយដោយសារព័ត៌មានរ៉យទ័រ។