#ទីក្រុងម៉ូស្គូកំពុងរងសម្ពាធទណ្ឌកម្មធ្ងន់ធ្ងរពីសំណាក់លោកខាងលិច

បើយោងតាមក្រុមពាណិជ្ជករ និង ទិន្នន័យរបស់ក្រុមហ៊ុនស្រាវជ្រាវ Refinitiv បានបង្ហាញថា ក្រោមសម្ពាធពីទណ្ឌកម្មរបស់លោកខាងលិច រុស្ស៊ីកំពុងនាំចេញប្រេងកាន់តែច្រើនទៅកាន់អាស៊ី និង ប្រើប្រាស់ការផ្ទេរប្រេងពីកប៉ាល់មួយទៅកប៉ាល់មួយទៀត ដើម្បីបង្កើនការនាំចេញកាន់តែធំសម្រាប់ទីផ្សារដែលស្ថិតនៅតំបន់ឆ្ងាយ។ ដោយក្នុងនោះ តំបន់អាស៊ី គឺប្រទេសចិន និងឥណ្ឌាកំពុងបង្កើនការទិញប្រេងពីរុស្ស៊ីច្រើនគេ ជាមួយនឹងតម្លៃទាបជាងទីផ្សារផងដែរ។ នេះបើតាមការចុះផ្សាយសារព័ត៌មាន Reuters។