#ទីផ្សារ​ត្រី​ក្នុងស្រុក​ធ្លាក់​ចុះ

បញ្ហាកូវីដ-១៩ បានបង្កផលប៉ះពាល់ជាច្រើនមកលើសេដ្ឋកិច្ចស្ទើរតែគ្រប់វិស័យ ក្នុងនោះ វារីវប្បកម្មចិញ្ចឹមត្រី ក៏កំពុងជួបបញ្ហាទីផ្សារចាក់ស្រេះរកច្រកចេញមិនទាន់ឃើញនៅឡើយ ដោយបញ្ហានេះបានចាប់ផ្ដើមមានឡើងតាំងពីឆ្នាំ២០២០ ហើយបន្តអូសបន្លាយមកទល់ពេលនេះ ហើយវាបាននិងកំពុងធ្វើឲ្យអ្នកចិញ្ចឹមត្រីក្នុងស្រុកពិសេសកសិដ្ឋានធំៗកំពុងមានការនឿយណាយក្នុងការចិញ្ចឹមត្រី ដោយអ្នកខ្លះក៏បានបោះបង់ការចិញ្ចឹមត្រីចោលព្រោះតែទប់ទល់នឹងការចំណាយមិនបាន។ នេះបើតាមការអះអាងរបស់សមាគមវារីវប្បកម្មកម្ពុជា។