#ទីផ្សារមាសនៅកម្ពុជា

តម្លៃមាសនៅកម្ពុជា បានហក់ឡើងថ្លៃជាបន្តបន្ទាប់នៅពីរសប្តាហ៍ចុងក្រោយនេះ ពោលគឺបច្ចុប្បន្នមាសមួយតម្លឹងលក់ចេញក្នុងតម្លៃជិត២ពាន់៥រយដុល្លារ កើនឡើងជិត១០០ដុល្លារ បើធៀបនឹងតម្លៃលក់ចេញកាលពីពីរសប្តាហ៍មុន។ បើតាមអាជីវករលក់មាសពេជ្រ និងអ្នកជំនាញទីផ្សារជួញដូរមាស ការកើនឡើងតម្លៃមាសនៅកម្ពុជានេះ កើតឡើងក្រោយមានបារម្ភពីឥទ្ធិពលនៃការរីករាលដាលនៃសង្គ្រាមរវាងអ៊ីស្រាអែល និងក្រុមហាមាស គួបផ្សំការធ្លាក់ថ្លៃលុយដុល្លារក្រោយធនាគារកណ្តាលអាម៉េរិកប្រកាសពីការកាត់បន្ថយអត្រាការប្រាក់ និងការបង្កើនការទិញមាសរបស់ឈ្មួញធំលើពិភពលោក។