អ៊ីរ៉ង់និងរុស្ស៊ីព្រមព្រៀងគ្នាលើកិច្ចសន្យាទិញឧស្ម័នក្នុងតម្លៃ ៦,៥ពាន់លានដុល្លារ ខណៈទីផ្សារអឺរ៉ុបកំពុងជាប់គាំង
ដោយ
ប្រទេសអ៊ីរ៉ង់ និងរុស្ស៊ី ថ្មីៗនេះបានសម្រេចចុះហត្ថលេខាលើកិច្ចព្រមព្រៀងសហប្រតិបត្តិការក្នុងវិស័យឧស្ម័នដែលមានតម្លៃជាទឹកប្រាក់ប្រមាណ ៦ពាន់៥រយលានដុល្លារ។ នេះបើតាមសេចក្ដីរាយការណ៍ដោយសារព័ត៌មានចិន ស៊ិនហួរ ដែលបានស្រង់សម្តីរបស់អនុរដ្ឋមន្ត្រីក្រសួងការបរទេស ទទួលបន្ទុកការទូតសេដ្ឋកិច្ចរបស់ប្រទេសអ៊ីរ៉ង់។ តាមរយៈកិច្ចព្រមព្រៀងនេះ ប្រទេសអ៊ីរ៉ង់មានផែនការនឹងនាំចូលឧស្ម័នពីរុស្ស៊ីសម្រាប់ប្រើប្រាស់ក្នុងស្រុក ហើយនាំចេញឧស្ម័នរបស់ខ្លួនទៅកាន់ទីផ្សារបរទេសជំនួសវិញ។