#ទិវាទេសចរណ៍ពិភពលោកឆ្នាំ២០២៤

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអំពាវនាវដល់គ្រប់ភាគីពាក់ព័ន្ធទាំងអស់ឱ្យមានការចូលរួមឱ្យបានផុសផុលបន្ថែមទៀត ដើម្បីស្ដារវិស័យទេសចរណ៍កម្ពុជា ទាំងគុណភាព និងបរិមាណប្រកបដោយនិរន្តរភាព និងបរិយាបន្ន។ ទន្ទឹមនេះ សម្តេចធិបតី ស្នើឱ្យប្រជាពលរដ្ឋគ្រប់រូប ក្រសួង ស្ថាប័ន អាជ្ញាធរពាក់ព័ន្ធ វិស័យឯកជន អង្គការជាតិនិងអន្តរជាតិចូលរួមគាំទ្រ និងរក្សាឱ្យបាននូវសុខសន្តិភាព និងវិបុលភាព ព្រោះវាកត្តាកំណត់ដ៏សំខាន់សម្រាប់ការអភិវឌ្ឍវិស័យនានារួមទាំងវិស័យទេសចរណ៍ផងដែរ។