#ទំហំប្រតិបត្តិការក្នុងវិស័យបរធនបាលកិច្ចកើននៅឆ្នាំ២០២២

វិស័យបរធនបាលកិច្ច បានបន្តរីកចម្រើនយ៉ាងឆាប់រហ័សគួរឲ្យកត់សម្គាល់នៅមួយរយៈចុងក្រោយនេះ បន្ទាប់ពីមានការចូលរួមជាបន្តបន្ទាប់ពីវិស័យឯកជន ខណៈវិស័យនេះ មានសារៈសំខាន់យ៉ាងខ្លាំងចំពោះការអភិវឌ្ឍវិស័យពាណិជ្ជកម្ម សង្គម និងសេដ្ឋកិច្ច នៅកម្ពុជា ជាពិសេសការចូលរួមរបស់ភាគីពាក់ព័ន្ធ ។ ឯកឧត្ដម សុខ ដារ៉ា អគ្គនាយកនៃនិយ័តករបរធនបាលកិច្ច បានគូសបញ្ជាក់ថា ទំហំបរធនបាលកិច្ចដែលធ្វើប្រតិបត្តិការ នៅឆ្នាំ២០២២នេះ បានកើនឡើងរហូតជាង ៤០០លានដុល្លារអាមេរិក ហើយបើធៀបនឹងកាលពីមុនមានត្រឹមតែជាង ១៥០លានដុល្លារប៉ុណ្ណោះ។