#ទណ្ឌកម្ម​

យើងទៅមើលរឿងសំខាន់មួយទៀត ទាក់ទងនឹង ក្រុមហ៊ុនចិនប្រើប្រាស់ឈ្មោះរោងចក្រនៅប្រទេសដទៃដើម្បីបញ្ជៀសការដាក់ទណ្ឌកម្មពីអាមេរិក កំពុងប្រឈមនឹងការស៊ើបអង្កេត។ ក្រុមគណៈមេធាវីរបស់ក្រុមហ៊ុនផលិតថាមពលពន្លឺព្រះអាទិត្យរបស់សហរដ្ឋអាមេរិកមួយ បាននិយាយថា ពួគគេបានដាក់ញត្តិទៅរដ្ឋាភិបាលអាមេរិក ដើម្បីស្នើសុំឱ្យមានការស៊ើបអង្កេត ទៅលើក្រុមហ៊ុនចិនមួយ ដែលបានប្រើប្រាស់ និងយកឈ្មោះក្រុមហ៊ុននៅប្រទេសថៃ វៀតណាម និង ម៉ាឡេស៊ី ជាខែលរកស៊ី ដើម្បីបញ្ចៀសទណ្ឌកម្មពន្ធគយពីសហរដ្ឋអាមេរិក។ នេះបើតាមការចុះផ្សាយដោយសារព័ត៌មាន Bloomberg។