#ទ្រព្យសម្បត្តិជាតិ​

ទ្រព្យសម្បត្តិសុទ្ធរបស់ជាតិចិនបានកើនឡើងដល់ ១២០ទ្រីលានដុល្លារអាមេរិកក្នុងឆ្នាំ ២០២០ នាំមុខសហរដ្ឋអាមេរិក ដែលមានទ្រព្យសម្បត្តិជាតិសរុបតែជាង ៨៩ទ្រីលានដុល្លារអាមេរិកប៉ុណ្ណោះ។ កំណើននេះកើតឡើង ខណៈដែលវិស័យទីផ្សារអចលនទ្រព្យ បានជំរុញតម្លៃអចលនទ្រព្យនៅចិនហក់ឡើងខ្លាំង កាលពីឆ្នាំ២០២០កន្លងទៅ។ នេះបើយោងតាមរបាយការណ៍របស់ស្ថាប័ន ម៉ាក់ខេនស៊ី គ្លូបល អ៊ីនស្ទីតយូត (McKinsey Global Institute) ដែលជាស្ថាប័នបុត្រសម្ព័ន្ធរបស់ក្រុមហ៊ុនឯកជន McKinsey ធ្វើការស្រាវជ្រាវផ្នែកជំនួញ និងសេដ្ឋកិច្ចរបស់ពិភពលោក។