#GDP របស់ប្រទេសចិន

ទិន្នន័យផ្លូវការបានបង្ហាញនៅថ្ងៃអង្គារនេះថា សេដ្ឋកិច្ចរបស់ប្រទេសចិនបានកើនឡើងក្នុងអត្រាមួយលឿនជាងការរំពឹងទុកនៅក្នុងត្រីមាសទី ១ ដោយមានកំណើន ៤,៥% បើធៀបនឹងរយៈពេលដូចគ្នាក្នុងឆ្នាំមុន។ ទន្ទឹមនឹងនេះ មូលនិធិរូបិយវត្ថុអន្តរជាតិបាននិយាយថា ប្រទេសចិននឹងក្លាយជាកត្តាជំរុញកំណើនសេដ្ឋកិច្ចពិភពលោកដ៏ធំបំផុតក្នុងរយៈពេល ៥ ឆ្នាំខាងមុខ ពោលគឺនឹងកើនលើសពីការរួមចំណែករបស់សហរដ្ឋអាមេរិក ដល់ទៅ ២ ដងឯណោះ។