#គោលនយោបាយជាតិស្តីពី«ស្វាយចន្ទី»

គោលនយោបាយជាតិស្តីពី«ស្វាយចន្ទី»ដែលទើបតែត្រូវបានអនុម័ត និងដាក់ឲ្យប្រើប្រាស់ជាផ្លូវការកាលពីពេលថ្មីៗនេះ មានចក្ខុវិស័យអភិវឌ្ឍន៍ផលិតកម្ម កែច្នៃ និងទីផ្សារស្វាយចន្ទីឱ្យមានលក្ខណៈប្រកួតប្រជែងប្រកបដោយបរិយាបន្ន ធានានូវនិរន្តរភាព និងការធ្វើពិពិធកម្មសេដ្ឋកិច្ច។ ក្រុមអ្នកពាក់ព័ន្ធក្នុងវិស័យស្វាយចន្ទីបានបង្ហាញក្ដីរំពឹងថា តាមរយៈគោលនយោបាយជាតិនេះ នឹងជួយលើកកម្ពស់ផលិតកម្មស្វាយចន្ទីឲ្យកាន់តែមានប្រសិទ្ធិភាពខ្ពស់ ជាពិសេសជំរុញការនាំចេញ កាត់បន្ថយភាពក្រីក្រ បង្កើនឱកាសការងារ និងជួយទ្រទ្រង់កំណើនសេដ្ឋកិច្ចជាតិ។