#គ្រឹះស្ថានអប់រំឯកជន

ប្រមុខរាជរដ្ឋាភិបាលកម្ពុជា បានចាត់ទុកគ្រឹះស្ថានអប់រំឯកជន គឺជាដៃគូដ៏សំខាន់របស់រាជរដ្ឋាភិបាលក្នុងការលើកកម្ពស់វិស័យអប់រំនៅកម្ពុជា ជាពិសេសអំឡុងពេលដែលប្រទេសកម្ពុជា បានជួបប្រទះនូវបញ្ហារាតត្បាតពីជំងឺកូវីដ១៩ តែម្ដង។ យ៉ាងណាមិញ ដើម្បីលើកទឹកចិត្តដល់គ្រឹះស្ថានអប់រំឯកជនឲ្យបន្តរួមចំណែកក្នុងវិស័យអប់រំកម្ពុជា សម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា បានសម្រេច មិនយកពន្ធគ្រឹះស្ថានអប់រំឯកជន ក្នុងរយៈពេល៥ឆ្នាំបន្តទៀត ពោលចាប់ពីឆ្នាំ២០២៤ ដល់ឆ្នាំ២០២៨។