#គួចម៉េងលី

ភ្នំដងរ៉ែក ទីពុំអាចភ្លេច និង១០៨ ចក្ខុវិស័យ គួច ម៉េងលី ជាឈ្មោះជាសៀវភៅ២ក្បាលដែលបានបោះពុម្ពផ្សាយដោយគ្រឹះស្ថានបោះពុម្ព នៃសាកលវិទ្យាល័យ ម៉េងលី ជេ. គួច ក្នុងឆ្នាំ២០១៨នេះ ដែលជាស្នាដៃទី៤ និងស្នាដៃទី៥របស់ឧកញ៉ា គួច ម៉េងលី ដែលជាអ្នកជំនួញដ៏ល្បីក្នុងវិស័យអប់រំ។ សៀវភៅទាំង២ ក្បាលនេះ គឺជាសៀវភៅដែលបានបង្ហាញពី បទពិសោធន៍ជីវិតដ៏សែនជូរចត់ ការអប់រំ ការលើកទឹកចិត្ត ការរៀនចែករំលែក និង ការបង្ហាញពីចក្ខុវិស័យរបស់លោកឧកញ៉ាវេជ្ជបណ្ឌិត គួច ម៉េង លី ក្នុងអាជីពជា ធុរជនដ៏ជោគជ័យ និងមានប្រជាប្រិយភាពមួយរូបក្នុងប្រទេសកម្ពុជា។