#​ហិរញ្ញវត្ថុ

ស្ថាប័នពិនិត្យ និងវាយតម្លៃដ៏ល្បីមួយដែលមានឈ្មោះថា Fitch Ratings របស់អាមេរិក កាលនៅថ្ងៃព្រហស្បតិ៍ទី ២៣កញ្ញា បានទម្លាក់ការព្យាករ សេដ្ឋកិច្ចរបស់ប្រទេសយក្សសេដ្ឋកិច្ចពិភពលោកលំដាប់ទី២ គឺប្រទេសចិន ពីកំណើន ៨,៤% មកនៅត្រឹម ៨,១% ក្នុងឆ្នាំ២០២១ ក្រោយពីមើលឃើញពីតម្រូវការទិញ-លក់អចលទ្រព្យនៅក្នុងស្រុកបានដាំក្បាលចុះ ស្របពេលដែលក្រុមហ៊ុនអភិវឌ្ឍន៍អចលទ្រព្យដ៏ធំលំដាប់ទី២នៅប្រទេសចិន Evergrande កំពុងរង្គោះរង្គើផងនោះ។ នេះបើតាមការចុះផ្សាយដោយទីភ្នាក់ងារសារព័ត៌មានបារាំង AFP។