ក្រុមហ៊ុនយក្សជប៉ុន ហុងដា នឹងបិទរោងចក្រដំឡើងរថយន្ដរបស់ខ្លួន នៅអង់គ្លេស និងតួកគី នៅឆ្នាំ២០២១
ដោយ
ក្រុមហ៊ុនផលិតរថយន្ដម៉ាក ហុងដា របស់ជប៉ុន កាលពីពេលកន្លងទៅថ្មីៗនេះ បានសម្រេចចិត្ត ប្រកាសពីផែនការបិទរោងចក្រដំឡើងរថយន្ដ ធំៗ២ កន្លែង នៅប្រទេស អង់គ្លេស និងតួកគី នៅក្នុងឆ្នាំ២០២១ខាងមុខនេះ។ ការសម្រេចចិត្តឈានទៅបិទរោងចក្រធំៗទាំងពីរកន្លែងនេះ ត្រូវបានក្រុមហ៊ុន ហុងដា បញ្ជាក់ថា គឺដោយសារក្រុមហ៊ុននេះ ងាកទៅផ្ដោតទៅលើទុនវិនិយោគ សម្រាប់ការផលិតម៉ាស៊ីនដែលប្រើប្រាស់អគ្គិសនីវិញម្ដង។ ហើយក្រុមហ៊ុននេះ បានប្រកែកយ៉ាងដាច់ណាត់ថា មិនមែនបណ្ដាលមកពីការដកខ្លួនរបស់អង់គ្លេសចេញពីសហភាពអឺរ៉ុប (Brexit) នោះឡើយ។