#ហូជីមិញ

បញ្ហាខ្វះខាតប្រេងឥន្ធនៈនៅប្រទេសវៀតណាមសម្រាប់ការប្រើប្រាស់ក្នុងស្រុក បានចាប់ផ្ដើមជួបបញ្ហាមកអស់រយៈពេលជាច្រើនខែមកហើយ ដោយសារតែការផលិត និងផ្គត់ផ្គង់មានការធ្លាក់ចុះ។ ជាក់ស្ដែង ស្ថានីយ៍ប្រេងឥន្ធនៈចំនួន ៥៤ កន្លែងនៅទីក្រុងហូជីមិញ បានផ្អាកប្រតិបត្តិការភ្លាមៗនៅយប់ថ្ងៃអាទិត្យទី ៩ ខែតុលា ដោយសារតែអស់ប្រេងចាក់ឲ្យពលរដ្ឋ។ នេះបើយោងតាមរបាយការណ៍របស់ទីភ្នាក់ងារឃ្លាំមើលទីផ្សារនៅទីក្រុងធំទីមួយរបស់ប្រទេសរៀតណាមមួយនេះ។