#ឥទ្ធិពលចិននៅប៉ាស៊ីហ្វិក​

រដ្ឋមន្ត្រីមកពីក្រុមប្រទេសអ្នកមានសេដ្ឋកិច្ចអភិវឌ្ឍធំៗទាំង៧ ឬហៅកាត់ថា G7 នៅថ្ងៃអាទិត្យចុងសប្តាហ៍មុននេះ បានបង្ហាញក្តីព្រួយបារម្ភដូចៗគ្នា អំពីគោលនយោបាយសេដ្ឋកិច្ច បែបបង្ខិតបង្ខំ និងគំរាមកំហែងរបស់ប្រទេសចិន។ ក្រុមប្រទេស G7 ចាត់ទុក គោលនយោបាយសេដ្ឋកិច្ចរបស់ចិន ជាការគំរាមកំហែង និងបង្ខិតបង្ខំ ដោយលើកយក បញ្ហាអន្ទាក់បំណុលសម្រាប់ប្រទេសកំពុងអភិវឌ្ឍន៍ យកមកប្រៀបធៀប។ នេះបើតាមការចុះផ្សាយដោយសារព័ត៌មានជប៉ុន Nikkei។