#ឥណ្ឌូនេស៊ី-ចិន

ប្រធានាធិបតីឥណ្ឌូណេស៊ីលោក ចូកូ វីដូដូ កាលពីថ្ងៃពុធ ទី២១ ខែធ្នូបានប្រកាសពីការហាមឃាត់ការនាំចេញរ៉ែមួយប្រភេទទៀតទៅកាន់ទីផ្សារក្រៅប្រទេស នោះគឺ រ៉ែបុកស៊ីត (bauxite) ដែលជាសារធាតុដ៏សំខាន់សម្រាប់ការផលិតអាលុយមីញ៉ូម។ ការហាមឃាត់នេះ គឺធ្វើឡើង ស្របទៅនឹងគោលជំហររបស់លោកចូកូ ក្នុងការជំរុញបង្កើនការអភិវឌ្ឍឧស្សាហកម្មចម្រាញ់ និងកែច្នៃរ៉ែក្នុងស្រុក ហើយអ្នកដែលរងគ្រោះខ្លាំងបំផុតដោយសារវិធានការនេះទំនងអាចជាប្រទេសចិនតែម្ដង។ នេះបើតាមការចុះផ្សាយរបស់សារព័ត៌មានជប៉ុន Nikkei Asia។