ពលរដ្ឋកំពុងព្រួយបារម្ភពីសុខភាព និងជីវភាពកាន់តែខ្លាំង ខណៈការផ្ទុះឆ្លងរាលដាលក្នុងសហគមន៍បន្ដកើនឡើង
ដោយ
ព្រឹត្តិការណ៍សហគមន៍២០កុម្ភៈ ដែលជារលកឆ្លងកូវីដ-១៩ ជាលើកទី៣ បាននិងកំពុងបន្ដបោកបក់កាន់តែខ្លាំងនៅកម្ពុជា ដោយចំនួនអ្នកឆ្លងក៏បានហក់ឡើងកាន់តែច្រើនឡើងដែរពីមួយថ្ងៃទៅមួយថ្ងៃគិតត្រឹមរយៈពេលជិត១ខែកន្លងមកនេះ។ ស្ថិតក្នុងស្ថានភាពដ៏អាក្រក់នេះ ប្រជាពលរដ្ឋជាច្រើន ជាពិសេស អ្នកប្រកបរបរសេដ្ឋកិច្ចក្រៅប្រព័ន្ធបានលើកឡើងថា ក្រៅតែពីបារម្ភបញ្ហាសុវត្ថិភាពពីការឆ្លងកូវីដ-១៩ ហើយនោះ ពួកគាត់ក៏បារម្ភពីជីវភាពខ្លាំងណាស់ដែរ។