#ជ្រូកព្រៃ

អ្នកជំនួញកសិកម្មដ៏ល្បីឈ្មោះនៅកម្ពុជា ឧកញ៉ា ម៉ុង ឬទ្ធី លើកទឹកចិត្តឱ្យកសិករចិញ្ចឹមពូជជ្រូកព្រៃ ព្រោះជ្រូកប្រភេទនេះ បច្ចុប្បន្នមានតម្រូវការទីផ្សារមិនចាញ់ជ្រូកកណ្ដុរប៉ុន្មាននោះទេ។ សម្រាប់ជ្រូកព្រៃរស់មានតម្លៃ ៤ម៉ឺនរៀល ក្នុងមួយគីឡូក្រាម ខណៈជ្រូកកណ្ដុរ វិញមានតម្លៃ ៤ម៉ឺន៨ពាន់រៀល ក្នុងមួយគីឡូក្រាម។ បើទោះបីជា បច្ចុប្បន្ន ទីផ្សារកំពុងមានតម្រូវការខ្ពស់លើសត្វជ្រូក ដែលមានទំហំតូចៗ ដូចជាជ្រូកកណ្ដុរ និងជ្រូកព្រៃក៏ដោយចុះ ប៉ុន្ដែ ចំនួនអ្នកចិញ្ចឹមហាក់នៅមានកម្រិត ពិសេសចំពោះជ្រូកព្រៃតែម្ដង។