#ការ​ឆ្លង​កូ​វី​ដ​-១៩

ប្រទេសវៀតណាម នឹងទទួលបានវ៉ាក់សាំងកូវីដ-១៩ចំនួន១លាន៥សែនដូសបន្ថែមទៀត ពីប្រទេសអូស្ត្រាលី បន្ទាប់ពីទើបតែទទួលបានវ៉ាក់សាំង១លានដូសពីប្រទេសជប៉ុនថ្មីៗនេះ។ ស្របពេលដែលជំនួយវ៉ាក់សាំងត្រូវបានផ្ដល់ឲ្យវៀតណាមជាបន្ដបន្ទាប់ ប្រទេសក្បែរខាងកម្ពុជាមួយនេះ ក៏កំពុងតែប្រឈមនឹងការឆ្លងរាលដាលកូវីដ-១៩កាន់តែខ្លាំងក្លាដែរ ដោយថ្មីៗនេះ អាជ្ញាធរវៀតណាមបានសម្រេចបិទខ្ទប់ទីក្រុងសំខាន់ៗរបស់ខ្លួនមួយចំនួនរួមទាំងទីក្រុងហូជីមិញ និងហានូយជាដើម។ នេះបើតាមការចុះផ្សាយពីសារព័ត៌មានក្នុងស្រុកវៀតណាម។