#ការ​អភិវឌ្ឍន៍​ផ្នែក​យោធា​

ការចំណាយលើវិស័យយោធាសកលបានកើនឡើងលើសពី ២ទ្រីលានដុល្លារកាលពីឆ្នាំ២០២១ ដែលជាទំហំចំណាយខ្ពស់បំផុតជាលើកដំបូង ហើយបើមើលទៅលើការចំណាយរបស់បណ្ដាប្រទេសនៅអឺរ៉ុបវិញ នឹងបន្តកើនឡើងថែមទៀត ចំពេលដែលបណ្ដាប្រទេសលោកខាតលិច បាននិងកំពុងបង្កើនកងកម្លាំងប្រដាប់អាវុធរបស់ពួកគេកាន់តែខ្លាំងក្លាជាងមុន ដើម្បីជាការឆ្លើយតប និងប្រុងប្រយ័ត្ន នៅចំពោះមុខ នៃការឈ្លានពានរបស់រុស្ស៊ីលើអ៊ុយក្រែន។ នេះបើយោងតាមរបាយការណ៍ ស្តីពីការជួញដូរអាវុធនៅក្នុងពិភពលោក នាឆ្នាំ២០២១ ចេញផ្សាយដោយវិទ្យាស្ថានស្រាវជ្រាវសន្តិភាពអន្តរជាតិស្តុកខម ហៅកាត់ថា Sipri ។