#ការទាក់ទាញភ្ញៀវទេសចរអឺរ៉ុប

អ្នកជំនាញក្នុងវិស័យទេសចរណ៍បានចាត់ទុកបញ្ហាមិនមានការលើកឡើងទិដ្ឋការ និងបញ្ហាសណ្តាប់សាធារណៈអាចជារបាំងមួយក្នុងការស្រូបទាញភ្ញៀវទេសចរមកពីប៉ែកអឺរ៉ុបឲ្យចូលមកកម្សាន្តនៅកម្ពុជា។ ជាក់ស្តែងនៅប៉ុន្មានឆ្នាំចុងក្រោយយើងសង្កេតឃើញថា ចំនួនភ្ញៀវទេសចរអឺរ៉ុបមកកម្សាន្តនៅកម្ពុជាមានការធ្លាក់ចុះគួរឲ្យកត់សម្គាល់។ យ៉ាងណាក៏ដោយ គេមិនបានដឹងពីមូលហេតុជាក់លាក់ ដែលធ្វើឲ្យចំនួនភ្ញៀវទេសចរអឺរ៉ុបមកកម្សាន្តនៅកម្ពុជាមានការធ្លាក់ចុះនោះទេ។