#ការលេចធ្លាយបំពង់បង្ហូរឧស្ម័នពីរុស្ស៊ីទៅអឺរ៉ុប

សេវាសន្តិសុខរបស់ប្រទេសស៊ុយអែតបាននិយាយកាលពីថ្ងៃទី ៦ខែតុលាថា ការស៊ើបអង្កេតលើករណីលេចធ្លាយបំពង់បង្ហូរឧស្ម័ន ណដស្ទ្រីមទី១ និងទី២ (Nord Stream) តភ្ជាប់ពីប្រទេសរុស្ស៊ីទៅតំបន់អឺរ៉ុបនោះ បានរកឃើញភស្តុតាងនៃការបំផ្ទុះចំនួន ៤ កន្លែង ដែលបានធ្វើឱ្យមានការសង្ស័យកាន់ខ្លាំងឡើងចំពោះ«ការបំផ្លិចបំផ្លាញដោយចេតនាទាំងស្រុង» ។ នេះបើតាមការចេញផ្សាយរបស់ទីភ្នាក់ងាររ៉យទ័រ។