#ការនាំចេញម្រេចកម្ពុជា

ការនាំចេញផលិតផលកសិកម្មកម្ពុជាមានការធ្លាក់ចុះគួរឱ្យកាត់សម្គាល់នៅដើមឆ្នាំ២០២៣នេះ ជាក់ស្តែង ការនាំចេញម្រេចកម្ពុជាទៅកាន់ទីផ្សារអន្តរជាតិ នៅឆមាសទី១ឆ្នាំនេះ សម្រេចបានចំនួនជាង ៤ពាន់៣រយតោន មានការធ្លាក់ចុះប្រមាណជាង ៣០% បើធៀបនឹងរយៈពេលដូចគ្នាកាលពីឆ្នាំមុន។ នេះបើតាមរបាយការណ៍របស់ក្រសួងកសិកម្ម រុក្ខាប្រមាញ និងនេសាទ។ ប្រធានសហព័ន្ធម្រេច និងគ្រឿងទេសកម្ពុជា អះអាងថា ការនាំចេញម្រេចមានការធ្លាក់ចុះបែបនេះ ដោយសារតែតម្លៃម្រេចកម្ពុជាបច្ចុប្បន្នមានតម្លៃទាប និងទីផ្សារម្រេចអន្តរជាតិកំពុងមានការប្រកួតប្រជែងខ្លាំងផងដែរ។