#ការនាំចូលរថយន្តថ្មីមកកាន់ទីផ្សារកម្ពុជា

យើងសង្កេតឃើញថា នៅមួយរយៈចុងក្រោយកំណើននាំចូលរថយន្តថ្មីៗមកកាន់ទីផ្សារកម្ពុជាមានការកើនឡើងគួរឲ្យកត់សម្គាល់។ ជាក់ស្តែងក្នុងចំណោមរថយន្តនាំចូល ដែលមានកំណើន២៤% កាលពីឆ្នាំមុន ការនាំចូលរថយន្តថ្មីមានការកើនឡើងជាង៥០% ខណៈរថយន្តមួយទឹក ឬរថយន្តជជុះមានកំណើនជាងតែ២០% ប៉ុណ្ណោះ។ អ្នកជំនាញក្នុងវិស័យយានយន្តជឿជាក់ថា ទីផ្សារនាំចូលរថយន្តថ្មីនឹងបន្តកើនឡើង ខណៈរថយន្តជជុះនឹងបន្តធ្លាក់ចុះជាបន្តបន្ទាប់ ដែលអាចជំរុញឲ្យទីផ្សាររថយន្តថ្មីវាយលុករថយន្តមួយទឹកនាពេលអនាគតដ៏ខ្លីខាងមុខ។