#ការបង្រ្កាបពីយោធាភូមា

បញ្ហានៅភូមាកំពុងវិវត្តទៅរកស្ថានភាពកាន់តែអាក្រក់ទៅៗហើយ ខណៈក្រុមបាតុករនៅតែបន្ដជំហរប្រឆាំងឥតចុះញញមដដែល។ ជាក់ស្ដែង បើទោះបីជាមានការការបង្ក្រាបដោយបង្ហូរឈាមយ៉ាងសាហាវយង់ឃ្នងកាលពីចុងសប្ដាហ៍កន្លងទៅនេះក្ដី ប៉ុន្ដែក្រុមអ្នកតវ៉ាប្រឆាំងនឹងរបបយោធាភូមារាប់ពាន់នាក់កាលពីថ្ងៃចន្ទ ម្សិលមិញនេះ នៅតែនាំគ្នាចេញធ្វើបាតុកម្មតវ៉ាតាមដងផ្លូវដដែល ដោយគ្មានញញើតនឹងការបង្ក្រាបពីសំណាក់ក្រុមយោធានោះឡើយ។ ទោះយ៉ាងណា ម្សិលមិញនេះ ក៏មានករណីបាញ់សម្លាប់បុរសម្នាក់ទៀតនៅក្នុងហេតុការណ៍នោះផងដែរ។ នេះបើតាមការរាយការណ៍ពីភ្នាក់ងារសារព័ត៌មាន Reuter។