#ការបញ្ចប់ការសាងសង់ផ្លូវជាតិលេខ២ និងលេខ២២

មន្ត្រីជាន់ខ្ពស់នៃក្រសួងសាធារណការ និងដឹកជញ្ជូនបានបញ្ជាក់ពីវឌ្ឍនភាពនៃការស្ថាបនាផ្លូវជាតិលេខ២ និងលេខ២២ ដែលមកទល់បច្ចុប្បន្នសម្រេចបានប្រមាណ៥០%ហើយ។ បើតាមការវាយតម្លៃពីមន្ត្រីជាន់ខ្ពស់រូបនេះ ការស្ថាបនាផ្លូវជាតិទាំងពីរនេះ អាចយឺតជាងផែនការ២០% ដែលធ្វើឲ្យការបញ្ចប់ការសាងសង់ត្រូវអូសបន្លាយពីខែមេសា ដល់ខែកក្កដា ឆ្នាំ២០២២។ ភាពយឺតយ៉ាវនេះ គឺដោយសារក្រុមហ៊ុនសាងសង់កង្វះគ្រឿងចក្រ គួបផ្សំបញ្ហាអាកាសធាតុ និងការដោះស្រាយសំណងជូនប្រជាពលរដ្ឋមានភាពយឺតយ៉ាវ។