#ការប្រើប្រាស់ថាមពល

តាមរយៈគោលនយោបាយជាតិស្ដីពីប្រសិទ្ធភាពថាមពលឆ្នាំ ២០២២-២០៣០ បានកំណត់ចក្ខុវិស័យរបស់ខ្លួន កែប្រែការប្រើប្រាស់ថាមពលនៅកម្ពុជាឲ្យកាន់តែមានប្រសិទ្ធភាពខ្ពស់ ដើម្បីលើកកម្ពស់សេដ្ឋកិច្ចជាតិឲ្យកាន់តែរឹងមាំ។ គោលនយោបាយនេះ ក៏កំណត់នូវគោលដៅប្រកបដោយមហិច្ឆតាមួយផងដែរ ក្នុងការកាត់បន្ថយការប្រើប្រាស់ថាមពលយ៉ាងតិចឲ្យបាន១៩% ត្រឹមឆ្នាំ២០៣០ ដោយធៀបនឹងសេណារ៉េយ៉ូគ្មានវិធានការនយោបាយប្រសិទ្ធភាពថាមពល ឬហៅថាសេណារីយ៉ូធុរកិច្ចធម្មតា។